للبوربوينت سوي لج حديقة وشمس وغيوم وباستخدام الحركة المخصصه تنزل الغيمة البيضة وتسالينهم شتذكرنا فية؟؟ وهم استخدمي الحركة المخصصة وحطي بقع سودة على الغيمة وبعدين ارجل البقرة باستخدام المستطيلات واخر شي تطلع صورة البقرة
او حطي بعلبة بالون ابيض وقص ولزق اسود مقطع على شكل البقع الموجودة على البقرة تفتحين العلبة وتنفخون البالون وتسـألينهم شيذكرنا فية وبعدين شوي شوي تحطين البقع السود على البالون وتسألين شتذكرنا فيه؟ لين ماتوصلون للبقرة
او تدخلين من خلال منتجات البقرة مثل الحليب مثلا تحطين مستطيل ازرق وتمويجات بيضا وبعدين العود…
اما عرض الكلمة تقدرين تسوين لج حديقة صغيرة باستخدام خام اخضر وحطي حيوانات الحضيرة فيها ومن بينهم البقرة وحطي الكلمة تحت البقرة او مربوطه بخيط برجل البقرة لمن الطفل يحضر مجسم البقرة من الحديقة يلااقي الورقة