لاصفي عن شخصية ملون وااايد حلو يدخل عن طريق مسرح العرايس يبكي
ليشششششش
لأن غسل ملابسه واختفت ألوانها وصارت بيضاء عاد نطلب صورته من قبل شلووون شكله يعطينا
برواز فيه صووووورته من قبل متكشخ بهالملابس السنعة طبعا (أبرز من خلال المناقشة ضرورة
المحافظة على نظافة ملابسنا) الحين نبدي نركب بالشاغ والشيغ ألوان ملابسه والطفل يشوف الصورة
اللي قبل ويركب ( وأنا قاعدة أنطر متى يخلص لاعت شبدي عل ماخلص)عاد الحين صار ملون كشخة أرجعت ألوانه وفررررررح
قام عطانا هدية نفتح الهدية فيها سيديات ملونتها على ألوان سلات أنا حاطتها بالصف ملونه شاريتها من أيكيا نتعرف على ألوان السيديات وتكون مربوطة بخيوط الوجه الثاني للسيديات مو ملونتها أقلبهم على الوجه اللي مو ملون عاد كل طفل يسحب الخيط ويقلب السيدي ويشوف اللون ويجيب السلة اللي فيها نفس اللون وداخلها المسابقة ونبدي مسابقتنا وأن قدرت انشا الله أنزل صور المسابقات الأولى : يلصق الطفل فواكه على خيال ظل مسويته على صدريات شاريتها من بومية الثانية: يحط البيض على صور سلات مغلفتها حراري وحطيتها بيد عرايس من ركن المنزل يحضنها الطفل وزميله يركب بالشاغ شيغ البيض الثالثة: أكياس ملونة صفره وحمره يجمع التفاح والموز كل فاكهة حسب لون الكيس ويساعده زميله واحد يجمع والثاني ماسك الكيس
الرابعة : يجمع أطباق ملونه داخلها أنواع طعام( يعني ليمون- خبز- تفاح-الخ) وأنا أطلب منه لون معين
من الأطباق يطلعه من السلة ويحطه بصينية ماسكها زميلة . وعسا تعجبكم المسابقات