البدء بالسلام والسؤال عن الحال وبعدين الخبره
المنبه :
من خلال طين صلصال لونه رمادي << ابيض وشويه اسود دامجتهم مع بعض
سويت خيط طويل وبعدين خيط صغير يمه وقمت احرك فيهم
وبعدين لفيت الكبير والصغير فوقه جنه عين صار وبعدين رديت فتحته وحطيت الخيطين مع بعض وسويتهم بيضاوي واخر شي قمت ادخل جزء من الاطراف لي داخل شوي صارت غيمه
شنو تعطينا ؟؟ المطر
اللي يبي يعرف شلون يتكون المطر يشوف في فتره الاركان في ركن الحاسوب << مو لازم ينقال
اشرايكم اقولكم قصه عن المطر
(( كان في بنت حلوه تتمشى بالبر وتغني اغنيه سويره راحت البر اتييب عيش الاخضر ))
وانا اغني شغلت صوت الريح ويا المطر
وسألت اليهال شنو صار ؟؟ طق مطر
شنو لازم تسوي ؟؟ تروح الخيمه
ليش ؟؟
عشان ما يصير توقف تحت المطر مباشره
شلون نحمي روحنا من المطر ؟؟ بالمظله
يقوم احد الاطفال يحضر المظلمه من ركن المنزل مع تشجيع الاطفال
قبل لا نفتحها شنو نقول بسم الله الرحمن الرحيم
بس نفتحها تطيح الكلمه
اقراها لهم واحطها على اللوحه
تدرون ان قبل عندنا اغنيه عن المطر
نقوم ونغنيها كلنا وبصوت عالي
واحنا نغني انزل الكلمه الثانيه اللي معلقتها بالسقف وتكون على شكل غيمه نازل منها مطر ومعلقه الكلمه فيها << استانسو اليها فيها حيل
بعدين نقراها فردي جماعي
اكتبها على اللوحه بخط كبير وصغير
نبدي مسابقاتنا
وبس 